Toshkent, O‘zbekiston (UzDaily.uz) — O‘zbekiston Respublikasi Prezidenti Shavkat Mirziyoyev Ikkinchi jahon urushida qozonilgan G‘alabaning 80 yilligiga bag‘ishlangan yubiley tadbirlarida ishtirok etish uchun Moskvaga tashrif buyuradi. Bu haqda Kreml matbuot xizmati xabar berdi.

Avvalroq, 3 may kuni, Rossiya Federatsiyasi Prezidenti Vladimir Putin va O‘zbekiston Respublikasi Prezidenti Shavkat Mirziyoyev o‘rtasida telefon orqali muloqot bo‘lib o‘tgan edi.

Suhbat chog‘ida tomonlar ikki tomonlama hamkorlikning dolzarb masalalarini muhokama qildilar. Jumladan, savdo-iqtisodiy aloqalarni yana-da chuqurlashtirish bo‘yicha amaliy choralar yuzasidan fikr almashildi. Shuningdek, 2024 yil 28–30 aprel kunlari Toshkent shahrida o‘tkazilgan V Xalqaro sanoat ko‘rgazmasi “INNOPROM. Markaziy Osiyo”ning muvaffaqiyatli tashkil etilgani alohida qayd etildi.

Kreml matbuot xizmati xabariga ko‘ra, Ikkinchi jahon urushida qozonilgan G‘alabaning 80 yilligini nishonlash munosabati bilan bo‘lib o‘tadigan tadbirlar kontekstida mazkur sana Rossiya va O‘zbekiston xalqlari uchun alohida ahamiyatga ega ekani taʼkidlandi.

Prezident Shavkat Mirziyoyev Moskvadagi yubiley tadbirlarida ishtirok etishini tasdiqladi.