Krasnodarda O‘zbekistondan keltirilgan karantin zararkunandasi bilan zararlangan xurmo partiyasi ushlandi

Toshkent, O‘zbekiston (UzDaily.uz) — Krasnodar shahrida Rosselxoznadzorning Janubiy mintaqalararo boshqarmasi xodimlari O‘zbekistondan olib kelingan yirik xurmo partiyasini karantin zararkunandasi aniqlanishi sababli to‘xtatdilar.

Maʼlumotlarga ko‘ra, 15 sentyabr kuni vaqtincha saqlash omborida avtomobil transportida yetkazilgan 18,8 tonna miqdordagi partiya ko‘rikdan o‘tkazilganda mutaxassislar g‘arb guli tripsini aniqladilar.

Mutahassislarning taʼkidlashicha, ushbu hasharot qishloq xo‘jaligiga jiddiy zarar yetkazishi, qator qishloq xo‘jalik ekinlarini zararlashi mumkin.

Xavfli obyekt tarqalishini oldini olish maqsadida mazkur partiyaning Rossiyaga kirishi taqiqlandi.