Jizzax viloyatida Matiz va yuk mashinasi to‘qnashuvi natijasida uch kishi halok bo‘ldi

Toshkent, O‘zbekiston (UzDaily.uz) — Jizzax viloyatida yirik yo‘l-transport hodisasi oqibatida uch kishi vafot etdi.

Baxtsiz hodisa 23 noyabr kuni yuz bergan, u holda Matiz yengil avtomobili qarshi yo‘nalishga chiqib, ZIL-130 yuk mashinasi bilan to‘qnashgan.

Viloyat Yo‘l harakati xavfsizligi boshqarmasi maʼlumotlariga ko‘ra, hodisa taxminan soat 08:10 da Jizzax-G‘allaorol avtomobil yo‘lining 34 km.da ro‘y bergan. To‘qnashuvga Matiz haydovchisining quvib o‘tish paytida qarama-qarshi yo‘nalishga chiqib ketishi sabab bo‘lgan.

Yo‘l-transport hodisasi qurbonlari 27 yoshli Matiz haydovchisi va avtomashinada bo‘lgan 2 nafar yo‘lovchilar olgan tan jarohatlari bilan voqea joyida halok bo‘lgan.

Hozirda, mazkur holat yuzasidan Jizzax shahar Ichki ishlar boshqarmasining Tergov bo‘limi tomonidan jinoyat kodeksining 266 moddasi uchinchi qismi “a” bandi bilan jinoyat ishi qo‘zg‘atilib, tergov harakatlari olib borilmoqda.