Javohir Sindarov Praggnanandhani mag‘lub etdi

Toshkent, O‘zbekiston (UzDaily.uz) — O‘zbekistonlik grossmeyster Javohir Sindarov 2026 yil Kiprda o‘tayotgan Nomzodlar turnirining uchinchi turida hindistonlik shaxmatchi Rameshbabu Praggnanandhani mag‘lub etdi. Ushbu g‘alaba Sindarovga o‘z reytingi 2753,5 ballgacha oshirish imkonini berdi va u jahon reytingida 8-o‘rinni egalladi — bu shaxmatchi faoliyatidagi eng yaxshi natija hisoblanadi.

To‘rtinchi turda Sindarov musobaqa yetakchiligi uchun Fabiano Karuanaga qarshi o‘ynaydi. 29 mart kuni boshlangan va 15 aprelga qadar davom etadigan Nomzodlar turniri jahonning eng kuchli sakkiz nafar grossmeysterini birlashtirgan. Ular orasida Hikaru Nakamura, Fabiano Karuana va O‘zbekistondan debyutant sifatida ishtirok etayotgan Javohir Sindarov ham bor.

Musobaqa ikki aylanmali davra tizimida (14 tur) o‘tkazilmoqda. Sovrin jamg‘armasi 500 ming yevroni tashkil etadi va eng muhimi — amaldagi jahon chempioni Dommaraju Gukeshga qarshi o‘ynash huquqi uchun kurash olib borilmoqda. Reglamentga ko‘ra, klassik vaqt nazorati qo‘llaniladi va 40-yurishgacha durangga rozi bo‘lish taqiqlangan. Har bir tur g‘olibi 48 ming yevro mukofot oladi, shuningdek har bir ishtirokchi to‘plagan har yarim ochko uchun qo‘shimcha ravishda 3500 yevro bilan taqdirlanadi.