Javohir Sindarov dunyoning eng kuchli shaxmatchilari o‘rtasidagi FIDE Nomzodlar turnirida O‘zbekiston sharafini himoya qiladi

Toshkent, O‘zbekiston (UzDaily.uz) — O‘zbekistonlik shaxmatchi Javohir Sindarov Kiprda Cap St Georges Hotel & Resort mehmonxonasida bo‘lib o‘tadigan FIDE Nomzodlar turnirida ishtirok etish huquqini qo‘lga kiritdi. U nufuzli musobaqada ishtirok etish yo‘llanmasini 2025 yilgi Jahon kubogidagi muvaffaqiyatli ishtirok orqali taʼminladi.

Erkaklar bahsida shaxmat taxti toji uchun kurash olib borish huquqi uchun Fabiano Karuana, Anish Giri, Mattias Blyubaum, Vey I, Andrey Yesipenko va Xikaru Nakamura bellashadi. Barcha ishtirokchilar FIDE Circuit tizimi, Grand-shveysariya turniri va jahon reytingi orqali saralab olingan.

Ayollar bahsida esa nomzodlik unvoni uchun Chju Sziner, Aleksandra Goryachkina, Divya Deshmukx, Xampi Koneru, Tan Chjunʼi, Vayshali R., Katerina Lagno va Bibisara Assaubayeva kurash olib boradi. Ishtirokchilar tarkibi ayollar o‘rtasidagi Gran-pri seriyasi va Jahon kubogi natijalari asosida shakllantirilgan.

Erkaklar va ayollar turniri g‘oliblari rasmiy nomzod maqomini qo‘lga kiritib, hal qiluvchi bahslarda amaldagi jahon chempionlari bilan to‘qnash keladi.