Toshkent, O‘zbekiston (UzDaily.uz) — 23 iyul kuni Jenevada bo‘lib o‘tgan Jahon savdo tashkiloti (JST) Bosh kengashi yig‘ilishida Janubiy Koreya diplomati Chxve nomzodi O‘zbekistonning YAITga aʼzo bo‘lishi bo‘yicha ishchi guruh raisi lavozimiga maʼqullandi. Bu haqda Yonhap agentligi xabar berdi.

Seul 2013 yildan beri Toshkentning JSTga aʼzo bo‘lish jarayonini qo‘llab-quvvatlab kelmoqda va endilikda ushbu jarayonda asosiy muvofiqlashtiruvchi rolni o‘ynaydi.

Ishchi guruh raisi muhim vazifani bajaradi: u JSTga aʼzo davlatlar o‘rtasidagi ikki tomonlama va ko‘p tomonlama muzokaralarni muvofiqlashtiradi hamda O‘zbekistonning tashkilotga qo‘shilishiga bag‘ishlangan yig‘ilishlarga rahbarlik qiladi.

Mazkur ishchi guruh 1994 yilda tashkil etilgan bo‘lib, O‘zbekistonga xalqaro savdo tizimi aʼzoligiga tayyorgarlik ko‘rish va uning talablariga moslashishda texnik va siyosiy yordam ko‘rsatib kelmoqda.