Islomobodda “O‘zbekiston–Pokiston” biznes-forum va «Made in Uzbekistan» ko‘rgazmasi o‘tkaziladi

Toshkent, O‘zbekiston (UzDaily.uz) — 2026 yil 5–6 fevral kunlari Islomobod (Islom Respublikasi Pokiston) shahrida “O‘zbekiston–Pokiston” biznes-forum va «Made in Uzbekistan» ko‘rgazmasi bo‘lib o‘tadi.

Tadbirlar ikki davlat organlari va biznes-jamiyatlari vakillari o‘rtasida to‘g‘ridan-to‘g‘ri muloqot uchun platforma bo‘lib xizmat qiladi.

Asosiy eʼtibor ikki tomonlama hamkorlikni rivojlantirish, investitsiya sohasida tajriba almashish va savdo-iqtisodiy aloqalarni kengaytirishga qaratilgan.

Forum doirasida ishtirokchilar O‘zbekistondagi investitsiya imkoniyatlari, xorijiy investorlarni qo‘llab-quvvatlash mexanizmlari hamda kapitallarni jalb qilish uchun qulay investitsiya muhitini shakllantirish va rivojlantirish yo‘llarini muhokama qiladilar.

Forum bilan bir vaqtda o‘tkaziladigan “Made in Uzbekistan” ko‘rgazmasida eksportga yo‘naltirilgan va hamkorlik aloqalarini rivojlantirishga qaratilgan o‘zbekiston milliy ishlab chiqaruvchilarning mahsulotlari namoyish etiladi.

Shuningdek, qayd etish joizki, joriy yil fevral oyida O‘zbekiston Prezidenti Shavkat Mirziyoyev Pokistonga rasmiy tashrif bilan borishni rejalashtirgan bo‘lib, bu ikki tomonlama munosabatlarni mustahkamlash va iqtisodiy hamkorlikni kengaytirishga qo‘shimcha turtki berishi kutiladi.