Toshkent, O‘zbekiston (UzDaily.uz) — Davlatimiz rahbarining "Uy-joy hamda bino-inshootlarni issiqlik energiyasi bilan ta'minlash sohasini tubdan isloh qilish hamda binolarning energiya samaradorligini oshirish chora-tadbirlari to'g'risida"gi qaroriga asosan Qurilish va uy-joy kommunal xo'jaligi vazirligi huzurida "Issiqlik ta'minoti" aksiyadorlik jamiyati tashkil etildi.

Hukumat qarori bilan Turayev Ilhom Habibullayevich "Issiqlik ta'minoti" AJ boshqaruv raisi etib tayinlandi.

Tayinlovga qadar Ilhom Turayev Qurilish va uy-joy kommunal xo'jaligi vazirligi Issiqlik taʼminoti tizimini rivojlantirish va ekspluatatsiya faoliyatini muvofiqlashtirish boshqarmasi boshlig'i lavozimida faoliyat yuritgan.