HUMO va TROY Turkiyada karta to'lovlari bo'yicha hamkorlik shartnomasini imzoladilar

Toshkent, O‘zbekiston (UzDaily.uz) — O'zbekistonning milliy to'lov tizimi HUMO chet eldagi faoliyatini kengaytirmoqda va Turkiyaning BKM TROY to'lov tizimi bilan o'zaro anglashuv memorandumini imzolamoqda.

Hamkorlik ikkala tizimning infratuzilmasini integratsiyalashni nazarda tutadi, bu HUMO karta egalariga Turkiyada tovarlar va xizmatlar uchun odatiy usulda - TROY POS terminallari orqali to'lovlarni amalga oshirish imkonini beradi.

TROY — Turkiyaning Banklararo karta markazi (BKM) tomonidan yo‘lga qo‘yilgan milliy karta to‘lov tizimidir. Bugungi kunda tizim butun mamlakat bo‘ylab to‘lov infratuzilmasini keng qamrab olgan.

HUMO va TROY integratsiyasining texnik jihatdan ishga tushirilishi zaruriy tartib-taomillar yakunlangach, 2026-yilga mo‘ljallanmoqda.