Georgiy Kocharyan Armanistonning O‘zbekistondagi yangi elchisi etib tayinlandi

Toshkent, O‘zbekiston (UzDaily.uz) — Georgiy Kocharyan Armaniston Respublikasining O‘zbekiston Respublikasidagi Favqulodda va Muxtor elchisi etib tayinlandi, uning qarorgohi Yerevanda joylashgan. Tegishli farmonga Armaniston prezidenti Vaagn Xachaturyan imzo chekdi.

Armaniston Tashqi ishlar vazirligining rasmiy saytida joylashtirilgan maʼlumotga ko‘ra, elchi lavozimiga tayinlanishidan oldin Georgiy Kocharyan tashqi siyosat idorasining Yevroosiyo mintaqasi masalalari departamentini boshqarib kelgan.

Bundan avval Armanistonning O‘zbekistondagi elchisi lavozimini Aram Grigoryan egallab, u 2019 yil iyun oyidan buyon diplomatik missiyaga rahbarlik qilgan.