Fransiya va O‘zbekiston atrof-muhit, iqlim va qayta tiklanadigan energiya bo‘yicha hamkorlikni muhokama qilmoqda

Toshkent, O‘zbekiston (UzDaily.uz) — Fransiyaning O‘zbekistondagi elchisi Ualid Fuk Ekologiya, atrof-muhit va iqlim o‘zgarishlari vaziri Aziz Abduhakimov bilan ilk uchrashuvini o‘tkazdi.

Tomonlar atrof-muhit va iqlim o'zgarishi bo'yicha bo'lajak xalqaro tadbirlarni muhokama qilib, noyabr oyida Belemda bo'lib o'tadigan COP konferentsiyasida ulkan natijalarga erishish muhimligini ta'kidladilar.

Fransiya taraqqiyot agentligi va fransuz kompaniyalari bilan hamkorlikning yo‘nalishlari, jumladan, Qoraqalpog‘istonda Orol dengizining yo‘qolishi oqibatlarini yumshatish, qayta tiklanadigan energiya manbalarini rivojlantirish, suv resurslaridan foydalanish samaradorligini oshirish, chiqindilarni qayta ishlash loyihalari muhokama qilindi.

Shuningdek, uchrashuvda O‘zbekistonda turizmni rivojlantirish va fransuz tilini o‘qitish masalalari ko‘rib chiqilib, mamlakatlar o‘rtasidagi madaniy-ma’rifiy hamkorlikni kengaytirish istiqbollari belgilab olindi.