Farg‘ona viloyatida kichik neft qayta ishlash zavodi ishga tushirildi

Toshkent, O‘zbekiston (UzDaily.uz) — Farg‘ona viloyati Toshloq tumanida kichik neft qayta ishlash zavodini tashkil etish loyihasi muvaffaqiyatli amalga oshirildi. Bu haqda O‘zbekiston investitsiyalar, sanoat va savdo vazirligi xabar berdi.

Korxona yillik 150 ming tonnagacha mahsulot ishlab chiqarish quvvatiga ega. Loyiha doirasida 350 ta yangi ish o‘rni yaratildi, umumiy investitsiya summasi esa 25 million AQSH dollarini tashkil etadi.

Loyihani amalga oshirish tashabbuskori «PRIMERS TRADING FZC» kompaniyasi bo‘ldi.

Yangi zavod viloyatdagi ishlab chiqarish imkoniyatlarini kengaytirishga va Farg‘ona viloyatining sanoat salohiyatini mustahkamlashga xizmat qiladi.