Fabio Kannavaro O'zbekiston terma jamoasining birinchi Jahon chempionati haqidagi fikrlari bilan o'rtoqlashdi

Toshkent, O‘zbekiston (UzDaily.uz) —  Oʻzbekiston milliy terma jamoasi bosh murabbiyi Fabio Kannavaro qurʼa haqida oʻzining ijtimoiy tarmoqlarida quyidagi fikrlarni bildirdi.

Kannavaro jamoaning turnirdagi ishtiroki uning uchun muhimligini ta'kidladi. "“Biz Vashingtonda FIFA Jahon chempionati qurʼasida ishtirok etar ekanmiz, qalbimizda bitta fikr — Oʻzbekiston. Raqiblarimiz aniq boʻlishdan oldin ham, aniq boʻlgandan keyin ham Oʻzbekiston haqida oʻyladim. Chunki bu — bizning Jahon chempionatida ilk bor ishtirok etishimiz. Biz bor kuch-imkoniyatimizni sarflab, o'zbek xalqini xursand qilgan holda ularga faxr tuyg'usini taqdim etishimiz kerak.", dedi Kannavaro.

Italiyalik murabbiy shuningdek, jamoaning bo'lajak raqiblariga hurmatini bildirdi: "Portugaliya, Kolumbiya va uchinchi raqibimiz — Yangi Kaledoniya, Yamayka yoki Kongo kim boʻlishidan qatʼi nazar, ularga hurmat bilan qaraymiz. Ammo eng avvalo, biz oʻzimizni va oʻz muxlislarimizni hurmat qilamiz”.".

O'zbekiston terma jamoasi K guruhida ishtirok etadi, unda uning raqiblari Portugaliya, Kolumbiya hamda Yangi Kaledoniya, Yamayka va Kongo o'rtasidagi qit'alararo pley-off g'olibi bo'ladi.