Erondagi voqealar davomida O‘zbekiston fuqarolari jabr ko‘rmadi — elchixona

Toshkent, O‘zbekiston (UzDaily.uz) — So‘nggi paytlarda Eronda yuz bergan voqealar natijasida O‘zbekiston Respublikasi fuqarolaridan hech kim jabr ko‘rmagan. Bu haqda O‘zbekistonning Tehrondagi elchixonasi xabar qildi.

Diplomatik vakolatxona maʼlumotlariga ko‘ra, ayni paytda Eron hududida O‘zbekistonning 81 nafar fuqarosi mavjud. Ular orasida diplomatik muassasalar xodimlari, Qum shahrida tahsil olayotgan talabalar, mamlakatda doimiy yashayotgan shaxslar, shuningdek, shaxsiy tashrif bilan kelgan fuqarolar bor.

Elchixonada taʼkidlanishicha, Eronda bo‘lib turgan barcha vatandoshlar bilan doimiy aloqa o‘rnatilgan va vaziyat rivoji diqqat bilan kuzatib borilmoqda. Diplomatlar shtat rejimida faoliyat yuritmoqda va vaziyat o‘zgargan taqdirda zarur konsullik yordamini ko‘rsatishga tayyor.

O‘zbekiston Respublikasining Erondagi elchixonasi Tehron shahrida joylashgan. Favqulodda holatlarda fuqarolarga +98 912 132 78 23 telefon raqami orqali murojaat qilish tavsiya etiladi. Aloqa uchun masʼul shaxs — Elbek Yo‘ldoshev.