Dohada o‘tgan Osiyo chempionatida stend otish bo‘yicha O‘zbekiston terma jamoasi medallar jamlanmasini qo‘lga kiritdi

Toshkent, O‘zbekiston (UzDaily.uz) — Stend otish bo‘yicha O‘zbekiston terma jamoasi Dohada bo‘lib o‘tgan Osiyo chempionatida muvaffaqiyatli ishtirok etib, bitta oltin, bitta kumush va bitta bronza medalini qo‘lga kiritdi.

Ayniqsa, yoshlar o‘rtasida Oxunjon Abduqodirov yorqin natija qayd etib, “trap” yo‘nalishida oltin medalga sazovor bo‘ldi va jahon rekordini yangiladi. Shu yo‘nalishda yoshlar o‘rtasida kumush medalni Yaroslava Eshtayeva qo‘lga kiritdi. Yoshlar o‘rtasidagi jamoaviy bahslarda bronza medallari Oxunjon Abduqodirov, Azamat Kayumov va Shohrux Sadirovga nasib etdi.

Musobaqa natijalari o‘zbekistonlik sportchilarning yuqori tayyorgarlik darajasini hamda stend otish bo‘yicha xalqaro maydonda erishayotgan yutuqlarini yana bir bor tasdiqladi.