Deputatlar xavfsizlik faoliyatini takomillashtirish to'g'risidagi qonunni qabul qilishdi

Toshkent, O‘zbekiston (UzDaily.uz) — Majlisda “Qo‘riqlash faoliyati takomillashtirilishi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi qonun loyihasi ikkinchi o‘qishda ko‘rib chiqilmoqda.

Qonun loyihasi bilan Ma’muriy javobgarlik to‘g‘risidagi kodeksga kiritilayotgan o‘zgartirishlar doirasida ma’muriy ishlarni ko‘rib chiqish va jazo qo‘llashga oid vakolatlar Ichki ishlar vazirligi huzuridagi qo‘riqlash bo‘linmalarining tegishli mansabdor shaxslariga berilmoqda.

“Ichki ishlar organlari to‘g‘risida”gi, “O‘zbekiston Respublikasi Milliy gvardiyasi to‘g‘risida”gi, “Litsenziyalash, ruxsat berish va xabardor qilish tartib-taomillari to‘g‘risida”gi hamda “Qo‘riqlash faoliyati to‘g‘risida”gi qonunlarga kiritilayotgan o‘zgartirishlar orqali qo‘riqlash faoliyati sohasida Ichki ishlar vazirligi va Milliy gvardiyaning vakolatlari chegarasi aniq belgilanyapti.

Qonun loyihasi deputatlar tomonidan qabul qilindi va Senatga yuborildi.

Majlisda fitosanitar zararsizlantirish faoliyatini litsenziyalashga doir qonun loyihasi ikkinchi o‘qishda ko‘rib chiqilmoqda.