Toshkent, O‘zbekiston (UzDaily.uz) — Chirchiq shahrida janjaldan so‘ng bir erkak vafot etdi. Bu haqda Toshkent viloyati IIBB matbuot xizmati xabar berdi.

Ijtimoiy tarmoqlarda tarqalgan maʼlumotlarga ko‘ra, marhumning onasi o‘g‘li ayolni himoya qilgani, lekin og‘ir jarohat olib, komaga tushgani va vafot etgani haqida maʼlum qilgan.

IIBB maʼlumotiga ko‘ra, voqea 5 mart kuni ro‘y bergan bo‘lib, u alkogol savdosi bo‘yicha ikki erkak o‘rtasidagi nizo bilan bog‘liq bo‘lgan. Natijada janjal ishtirokchilaridan biri og‘ir jarohat olib, keyinroq kasalxonada vafot etgan.

Ushbu holat yuzasidan O‘zbekiston Respublikasi Jinoyat kodeksining 104-moddasi 3-qismi “d” bandi («Qasddan tan jarohati yetkazish, jabrlanuvchining o‘limiga sabab bo‘lgan holda») bo‘yicha jinoiy ish qo‘zg‘atilgan. Ayblanuvchi 7 mart kuni qo‘lga olingan bo‘lib, sud unga qamoqqa olish tarzidagi ehtiyot chorasini belgilagan.

IIBB fuqarolarni tasdiqlanmagan maʼlumotlarni tarqatishdan tiyilishga chaqirdi.