Toshkent, O‘zbekiston (UzDaily.uz) — Samarqanddan Rossiyaning Uzoq Sharqiga to‘g‘ridan-to‘g‘ri havo qatnovi yo‘lga qo‘yildi — Centrum Air aviakompaniyasi Xabarovsk shahriga muntazam reyslarni boshladi.

Tasdiqlangan jadvalga muvofiq, parvozlar haftada bir marta — payshanba kunlari amalga oshiriladi. Samarqand xalqaro aeroportidan uchish mahalliy vaqt bilan soat 23:15 da, Xabarovskka yetib borish esa kelasi kuni soat 11:15 da (vaqt farqini hisobga olgan holda) bo‘ladi.

Ushbu yo‘nalishning ochilishi O‘zbekiston va Xabarovsk o‘lkasi o‘rtasidagi transport aloqalarini mustahkamlashga, ishbilarmonlik va sayyohlik munosabatlarini rivojlantirishga, shuningdek, logistika va iqtisodiy imkoniyatlarni kengaytirishga xizmat qiladi.