Buxoroda 350 mln dollarlik elektromobil zavodi quriladi

Toshkent, O‘zbekiston (UzDaily.uz) — Buxoro viloyatining Kogon tumanida elektromobillar va gibrid avtomobillar ishlab chiqarish zavodini qurish rejalashtirilmoqda. Bu haqda Prezident Shavkat Mirziyoyev raisligida o‘tkazilgan yig‘ilish yakunlari bo‘yicha maʼlum qilindi.

Yangi korxonaning ishlab chiqarish quvvati yiliga 80 mingta avtomobilga yetishi kutilmoqda. Loyihani amalga oshirish natijasida taxminan 500 ta yangi ish o‘rni yaratiladi, bu esa hudud iqtisodiy rivojiga ijobiy taʼsir ko‘rsatadi.

Mazkur loyiha O‘zbekistonda barqaror transportni rivojlantirish hamda sanoat sohasiga xorijiy investitsiyalarni jalb etish strategiyasining bir qismiga aylanadi.