Toshkent, O‘zbekiston (UzDaily.uz) — Ijtimoiy tarmoqlarda Buxoro viloyati hokimi Botir Zaripov ishtirokidagi videolavha keng tarqalmoqda. Unda hokim ruxsatnomasiz faoliyat yuritayotgan xususiy bolalar bog‘chasini zudlik bilan buzish buyrug‘ini bergani aks etgan.

Videoda Zaripov quyidagicha talab qiladi: «Bog‘cha hududidagi barcha hujjatlarni ko‘rib chiq. Hujjatsiz bo‘lsa — buz. Susib turmaysan. Bugunning o‘zida, buyumlari bilan birga buz. Odamlar ichida bo‘lsa ham ko‘m! Sudmi, norozilikmi — yetdi!»

Shu bilan birga, u Buxoro shahar hokimining o‘rinbosariga ham qattiq norozilik bildirib, uni nazoratni yo‘qotganlik va vazifasini sust bajarayotganlikda aybladi hamda intizomiy chora ko‘rilishini maʼlum qildi.

Mazkur voqea yuzasidan hozircha Buxoro viloyati hokimligi tomonidan rasmiy izoh berilmagan. Videolavha qaysi sanada va qanday vaziyatda tasvirga olingani ham aniq emas.