Boshqaruv samaradorligi agentligida yangi direktor o‘rinbosarlari tayinlandi

Toshkent, O‘zbekiston (UzDaily.uz) — O‘zbekiston Respublikasi Prezidenti huzuridagi Boshqaruv samaradorligi agentligida kadrlar tayinlovi amalga oshirildi.

Prezident Administratsiyasi rahbari farmoyishiga muvofiq, Mirshod Qurbonov Agentlik direktori birinchi o‘rinbosari etib tayinlandi.

U avvalroq Savdo-sanoat palatasining Qashqadaryo viloyati hududiy boshqarmasini boshqargan.

Bundan tashqari, Agentlik direktorining o‘rinbosari lavozimiga Prezident Administratsiyasi Huquqiy ekspertiza va kompleks tahlil departamenti katta inspektori lavozimida ishlab kelgan Akmal Salixov tayinlandi.