“Biznes Finans” 27% daromadlilikka qaytib 10 mlrd so‘mlik obligatsiyalar chiqaradi

Toshkent, O‘zbekiston (UzDaily.uz) — 2025-yil 25-noyabr kuni “Biznes Finans” MMT 10 mlrd so‘m hajmdagi beshinchi obligatsiyalar chiqarilishini va ularni yillik 27% kupon stavkasi bilan joylashtirishni e'lon qildi.

Har bir obligatsiyaning nominal qiymati 100 000 so‘m, muomalada bo‘lish muddati — 2 yil. Kupon to‘lovlari har oyda amalga oshiriladi.

Joylashtirish boshlanish sanasi — davlat ro‘yxatidan o‘tkazilganligi haqidagi xabar e’lon qilingan kundan boshlab 15-kun. Agar ushbu sana dam olish kuniga to‘g‘ri kelsa, joylashtirish navbatdagi ish kunida boshlanadi.

Tashkilot ilgari to'rtta obligatsiya chiqargan edi.

I emissiya (iyul 2022): 10 mlrd so‘m, 27% yillik.

II emissiya (avgust 2023): 20 mlrd so‘m, 27% yillik.

III emissiya (noyabr 2024): 30 mlrd so‘m, 27% yillik.

IV emissiya (iyul 2025): 25 mlrd so‘m, 28% yillik.