Toshkent, O‘zbekiston (UzDaily.uz) — 2025-yilning birinchi yarmida “O‘zbekinvest” AJ sof foydasi 29,4 milliard so‘mni tashkil etdi, bu o‘tgan yilning shu davriga nisbatan 20,7 foizga ko‘pdir.

Shu bilan birga, sug‘urta xizmatlaridan olingan daromadlar 3,5 foizga kamayib, 233,6 milliard so‘mni tashkil etdi.

Kompaniyaning uzoq muddatli investitsiyalar hajmi 563,2 mlrd. so‘mdan 573,1 mlrd so‘mga (+1,7% y/y), qisqa muddatli investitsiyalar esa 839,4 mlrd. so‘mdan 915,2 mlrd so‘mga (+9,0%) o‘sdi.

“O‘zbekinvest”ning jami aktivlari 13,5 foizga o‘sib, 2,4 trillion so‘mga yetdi. Shu bilan birga, kompaniyaning o‘z kapitali 1,5 foizga kamayib, 874,6 milliard so‘mni tashkil etdi.