Toshkent, O‘zbekiston (UzDaily.uz) — Kriptovalyuta birjasi Binance vaqtinchalik ravishda O‘zbekiston foydalanuvchilari uchun P2P-almashuv funksiyasini to‘xtatdi.

2025 yil 26 maydan, soat 19:00 (UTC) dan boshlab, Binance P2P platformasida o‘zbek so‘mi (UZS) hamda quyidagi savdo juftliklari bo‘yicha operatsiyalar to‘xtatildi:

USDT/UZS, USDC/UZS, BTC/UZS, FDUSD/UZS, BNB/UZS va ETH/UZS.

Bir necha vaqtdan so‘ng, mazkur juftliklar o‘chirilgandan keyin, milliy valyutada operatsiyalarni HUMO to‘lov tizimini qo‘llab-quvvatlovchi fiat kanallari orqali qayta tiklash rejalashtirilgan.

Eslatib o‘tamiz, joriy yilning yanvaridan boshlab, O‘zbekiston rezidentlari coinpay.uz/binance hamkorlik platformasi orqali Binance xizmatlaridan rasman foydalanish imkoniga ega bo‘lishdi. Ushbu servis orqali amalga oshiriladigan barcha tranzaksiyalar to‘liq qonuniy va ishonchli himoyalangan hisoblanadi.