Toshkent, O‘zbekiston (UzDaily.uz) — 12 iyun kuni O‘zbekiston Respublikasi Tashqi ishlar vaziri Baxtiyor Saidov Ummon Sultonligi Savdo, sanoat va investitsiyalarni rivojlantirish vaziri Qays bin Muhammad bin Muso al-Yusuf bilan muzokaralar o‘tkazdi.

Tomonlar o‘zaro iqtisodiy hamkorlikni faollashtirish yo‘llarini muhokama qildilar. Jumladan, o‘zaro savdo hajmini oshirish va qo‘shma investitsiya loyihalarini amalga oshirish uchun istiqbolli yo‘nalishlarni aniqlashga alohida eʼtibor qaratildi.

Uchrashuv davomida, shuningdek, ikki mamlakat o‘rtasida sanoat sohasidagi hamkorlikni kengaytirish va innovatsion rivojlanishni rag‘batlantirish masalalari yuzasidan fikr almashildi.