Baxtiyor Saidov Standard Chartered bosh direktori bilan O'zbekistondagi yirik loyihalarni moliyalashtirish masalasini muhokama qildi

Toshkent, O‘zbekiston (UzDaily.uz) — 5-fevral kuni O'zbekiston Respublikasi Tashqi ishlar vaziri Baxtiyor Saidov Standard Chartered Bank bosh direktori Saif Malik bilan uchrashdi.

Muzokaralar davomida yirik sanoat loyihalarini moliyalashtirish bo'yicha hamkorlikni kengaytirish, yashil energiya tashabbuslarini qo'llab-quvvatlash va iqtisodiyotning real sektori bilan o'zaro aloqalarni mustahkamlash bo'yicha batafsil fikr almashildi.

Qayta tiklanadigan energiya manbalari, infratuzilma loyihalari va barqaror moliyalashtirishni rivojlantirish imkoniyatlariga alohida e'tibor qaratildi.

Tomonlar transformatsion loyihalarni amalga oshirish bo'yicha sherikliklarini yanada chuqurlashtirishga tayyor ekanliklarini bildirdilar va bankning O'zbekiston milliy moliya tizimiga yanada integratsiyalashuvini olqishladilar.