Baxtiyor Saidov Rossiyaning O‘zbekistondagi yangi elchisidan ishonch yorliqlarini qabul qildi

Toshkent, O‘zbekiston (UzDaily.uz) — O‘zbekiston tashqi ishlar vaziri Baxtiyor Saidov Rossiyaning O‘zbekistondagi yangi elchisi Aleksey Yerxovdan ishonch yorliqlari nusxalarini qabul qildi.

Uchrashuvda tomonlar ikki davlat oʻrtasidagi strategik sheriklik va ittifoqchilik munosabatlarini yanada mustahkamlash masalalarini muhokama qildilar, ikki tomonlama kun tartibini amalga oshirish va barcha sohalarda oʻzaro hamkorlikni kengaytirishda yaqindan hamkorlik qilishga tayyor ekanliklarini bildirdilar.

Vazir elchiga O‘zbekistondagi diplomatik missiyasi va samarali faoliyatida muvaffaqiyatlar tiladi.