Bahodir Qurbonov DXX raisi etib tayinlandi

Toshkent, O‘zbekiston (UzDaily.uz) — O‘zbekistonda Davlat xavfsizlik xizmati (DXX) rahbariyatida o‘zgarishlar amalga oshirildi.

2019-yil fevral oyidan buyon DXX raisi lavozimida ishlab kelgan general-leytenant Abdusalom Azizov o‘z vazifasidan ozod etildi. Bu haqda O‘zbekistonning bir qator ommaviy axborot vositalari, jumladan Gazeta.uz va Kun.uz xabar berdi.

Abdusalom Azizov mazkur lavozimga tayinlanishidan avval, 2017-yil sentyabr oyidan boshlab O‘zbekiston Respublikasi mudofaa vaziri sifatida faoliyat yuritgan edi.

DXXning yangi raisi etib Bahodir Qurbonov tayinlandi.

Bahodir Qurbonov bu lavozimga tayinlangunga qadar, 2019-yil 11-fevral kunidan boshlab O‘zbekiston Respublikasi mudofaa vaziri lavozimida ishlab kelgan.