Azizbek Ikramov O‘zbekiston Favqulodda vaziyatlar vaziri etib tayinlandi

Toshkent, O‘zbekiston (UzDaily.uz) — O‘zbekiston Respublikasi Prezidenti Shavkat Mirziyoyev Favqulodda vaziyatlar vazirining yangi rahbarini tayinladi.

Davlat rahbarining farmoniga muvofiq, Azizbek Ikramov O‘zbekiston Respublikasi Favqulodda vaziyatlar vaziri lavozimiga tayinlandi. Uning nomzodi bundan oldin Oliy Majlis Qonunchilik palatasi deputatlari tomonidan maʼqullangan edi.

Ushbu tayinlovga qadar Azizbek Ikramov Farg‘ona viloyati Ichki ishlar boshqarmasi boshlig‘i lavozimida faoliyat yuritgan. U Botir Qudratxo‘jayev o‘rnini egallagan.