AQSHdan kelgan turistlar soni 39 foizga oshdi

Toshkent, O‘zbekiston (UzDaily.uz) — O‘zbekiston Respublikasi Milliy statistika qo‘mitasi maʼlumotlariga ko‘ra, 2026 yil yanvar oyida AQSHga turistik maqsadlarda 964 nafar O‘zbekiston fuqarosi safar qilgan. Ushbu ko‘rsatkich o‘tgan yilning shu davriga nisbatan qariyb 16 foizga kamaygan.

Safar maqsadlari tahlili shuni ko‘rsatdiki, O‘zbekiston fuqarolarining aksariyati AQSHga turistik maqsadda borgan. Bunday safarlar soni 796 tani tashkil etgan. Qarindoshlarni ziyorat qilish maqsadida AQSHga 135 nafar fuqaro yo‘l olgan.

Taʼlim olish maqsadida 25 nafar fuqaro mamlakatga tashrif buyurgan. Xizmat safari bilan 6 nafar kishi yo‘l olgan bo‘lsa, yana 2 nafar fuqaro davolanish maqsadida borgan.

Shu davrda O‘zbekistonga turistik maqsadlarda 1642 nafar AQSH fuqarosi tashrif buyurgan. Amerika turistlari soni o‘tgan yilga nisbatan 39,4 foizga oshgan.

AQSH fuqarolarining safar maqsadlari tarkibida ham turizm ustun bo‘lgan. Sayohat qilish maqsadida O‘zbekistonga 1120 nafar kishi kelgan.

Xizmat safari bilan 269 ta tashrif qayd etilgan. Taʼlim olish maqsadida mamlakatga 112 nafar AQSH fuqarosi kelgan.

Qarindoshlarni ziyorat qilish uchun 133 nafar kishi tashrif buyurgan. Tijorat maqsadida 6 nafar, davolanish uchun esa yana 2 nafar fuqaro kelgan.