Toshkent, O‘zbekiston (UzDaily.uz) — AQShning Global hamkorlik boʻyicha maxsus vakili Paolo Zampolli bugun Toshkentda Oʻzbekiston milliy futbol terma jamoasi bilan uchrashdi, deb xabar berdi AQShning respublikadagi elchixonasi.

Prezident Tramp nomidan maxsus vakil Zampolli ularni 2026-yilda AQShda bo‘lib o‘tadigan jahon chempionatiga tarixiy yo‘llanma olgani bilan tabrikladi.

Diplomatik missiya bayonotida qayd etilishicha, 2026-yilgi Jahon chempionati nafaqat butun dunyoni birlashtiradi, balki Amerikaning sport menejmenti, innovatsiya va mehmondoʻstlik sohalaridagi yuksak darajasini ham namoyish etadi.

Xususan, O‘zbekiston terma jamoasining musobaqaga tayyorgarlik ko‘rishdagi sa’y-harakatlari va fidoyiligi yuqori baholanmoqda.