Toshkent, O‘zbekiston (UzDaily.uz) — Anvar Urmonov Toshkent shahri prokurori vazifasini bajaruvchi etib tayinlandi. Bu haqda O‘zbekiston Bosh prokuraturasi matbuot xizmati maʼlum qildi.

Yangi tayinlovga qadar Anvar Urmonov Toshkent shahar prokurorining birinchi o‘rinbosari lavozimida ishlagan, undan oldin esa Shayxontohur va Sergeli tumanlari prokuraturalariga rahbarlik qilgan.

Shaharning oldingi prokurori Erkin Yo‘ldoshev esa yaqinda Prezident Administratsiyasi huzuridagi Komplayens nazorati xizmati rahbari lavozimiga tayinlangan edi.