Andijon viloyati va “Jiangxi Haitong Cable Co., Ltd” kompaniyasi o‘rtasida hamkorlik memorandumi imzolandi

Toshkent, O‘zbekiston (UzDaily.uz) — Andijon viloyati hokimi Jangshi shahrida “Jiangxi Haitong Cable Co., Ltd” kompaniyasi rahbari bilan uchrashuv o‘tkazdi. Suhbat davomida kabel ishlab chiqarish sohasidagi hamkorlikni mustahkamlash, qo‘shma investitsion loyihalarni amalga oshirish va yangi ishlab chiqarish quvvatlarini yo‘lga qo‘yish masalalari muhokama qilindi.

Uchrashuv yakunida tomonlar turli kuchlanishdagi kabellar ishlab chiqarishni tashkil etish bo‘yicha o‘zaro anglashuv memorandumini imzoladilar.

Mazkur kelishuv Andijon viloyatida kabel ishlab chiqarish sohasida yangi imkoniyatlar yaratish, zamonaviy texnologiyalarni joriy etish va investitsiya muhitini yana-da yaxshilashga xizmat qilishi kutilmoqda.