Toshkent, O‘zbekiston (UzDaily.uz) — Xitoyning “Air China” milliy aviatashuvchisi xalqaro miqyosdagi ishtirokini kengaytirishda davom etmoqda va Pekin-Toshkent-Pekin yo‘nalishi bo‘yicha muntazam reyslarni ochish orqali ilk bor O‘zbekiston bozoriga kirmoqda.

19-iyul kuni soat 19:40 da Toshkent xalqaro aeroportiga aviakompaniyaning birinchi reysi kelib qo‘ndi. Zamonaviy Boeing-737 laynerida yetib kelgan ekipaj va yo‘lovchilar an’anaviy suv arkasi va gullar bilan kutib olindi.

"Biz Xitoy va Oʻzbekiston poytaxtlari oʻrtasida toʻgʻridan-toʻgʻri reyslarni yoʻlga qoʻyishdan mamnunmiz. Ishonchimiz komilki, bu yoʻnalish savdo, sayyohlik va madaniy aloqalarni rivojlantirishda muhim boʻgʻinga aylanadi. "Air China" nafaqat yoʻlovchilarni tashish, balki odamlarni, shaharlarni va imkoniyatlarni bogʻlovchi yangi ufqlarni ochishga intiladi. Biz aviakompaniya parvozlarning har bir bosqichida ishonchlilik, qulaylik va yuqori xizmat koʻrsatishga eʼtibor qaratamiz", — deya ta'kidladi kompaniya vakili.

"Toshkent aeroportida Air China timsolida yangi hamkorni kutib olishdan mamnunmiz. Ishonchimiz komilki, ushbu yoʻnalish yoʻlovchilar orasida yuqori talabga ega boʻladi. Jamoamiz ushbu yoʻnalishda yuqori sifatli xizmat koʻrsatish uchun barcha zarur shart-sharoitlarni yaratib berdi", - dedi "Uzbekistan Airports Handling" direktorining birinchi oʻrinbosari Umid Hamrayev.

Parvozlar haftasiga uch marta - seshanba, payshanba va shanba kunlari amalga oshiriladi.

Air China - Xitoyning eng yirik va asosiy aviatashuvchisi. “Star Alliance” aʼzosi hisoblanadigan kompaniya 1988-yilda tashkil etilgan va Pekin aeroportida joylashgan.