Adiz Boboyev Samarqand viloyati hokimi etib tayinlandi

Toshkent, O‘zbekiston (UzDaily.uz) — Samarqand viloyati kengashi navbatdan tashqari sessiyasida Adiz Boboyev viloyat hokimi lavozimiga tasdiqlandi. U bunga qadar Hisob palatasi raisi lavozimida faoliyat yuritgan va o‘tgan yildan buyon viloyat hokimi vazifasini bajarib kelayotgan edi.

Prezident mamlakat faollari fikrini tinglaganidan so‘ng Boboyev nomzodini taklif etdi. Ovoz berish natijalariga ko‘ra, u rasman lavozimga tayinlandi.

Davlat rahbari taʼkidlashicha, yangi hokim ish o‘rinlari yaratish, kambag‘allik darajasini pasaytirish, investitsiya va eksport hajmini oshirish, energiya samaradorligini ko‘tarish va mahsulot tannarxini kamaytirishga xizmat qilishi, shuningdek, Samarqand viloyatini namunaviy hududga aylantirishi lozim.

Xalq deputatlari kengashi sessiyasida shuningdek, tashkiliy masalalar hamda iqtisodiyotni barqaror rivojlantirish va aholi farovonligini oshirishga qaratilgan vazifalar muhokama qilindi.