Toshkent, O‘zbekiston (UzDaily.uz) — O‘zbekiston Prezidentining tashqi siyosat bo‘yicha maxsus vakili, davlat rahbari huzuridagi Xavfsizlik kengashi kotibining o‘rinbosari Abdulaziz Kamilov Italiya Respublikasining «Ofitser ordeni» («Ordine al Merito della Repubblica Italiana») ordeni bilan mukofotlandi.

Mukofot taqdim etilgani haqida rasmiy bayonot Italiya Prezidenti Bosh kotibiyatining press-relizida eʼlon qilindi va hukumatning Gazzetta Ufficiale rasmiy saytida nashr etildi.

Abdulaziz Kamilov Italiya va boshqa xorijiy mamlakatlarning taniqli arboblari bilan birga mukofotlanganlar ro‘yxatiga kirdi.

«Italiya Respublikasi oldidagi xizmatlari uchun» ordeni — Italiyaning eng yuksak davlat mukofoti bo‘lib, 1951 yil 3 mart kuni taʼsis etilgan. U adabiyot, sanʼat, iqtisodiyot, xayr-saxovat, jamoatchilik va gumanitar sohalarda katta hissa qo‘shgan Italiya fuqarolari va xorijliklarga topshiriladi. Mukofotlash Italiya Prezidenti tomonidan, Bosh vazir roziligi bilan amalga oshiriladi va, odatda, mamlakatning ikki muhim sanaga — 2 iyun (Respublika kuni) va 27 dekabr (Konstitutsiya kuni)ga to‘g‘ri keltiriladi.