60 mingdan ortiq o‘zbekistonliklar Misrga sayohat qilgan

Toshkent, O‘zbekiston (UzDaily.uz) — 2025 yil yanvar–noyabr oylari davomida turistik maqsadlarda Misrga 60 979 nafar O‘zbekiston fuqarosi borgani haqida Milliy statistika qo‘mitasi maʼlum qildi.

O‘tgan yilning shu davri bilan solishtirganda, sayohatlar soni 19,7 ming kishiga oshib, 47,7%ga o‘sishni tashkil etdi.

O‘zbekistonlik turistlarning aksariyati Misrga sayohat qilish maqsadida borgan — bunday sayohatlar soni 55 090 ni tashkil qildi.

Boshqa sayohat maqsadlari qatorida yaqinlarni ziyrat qilish — 5 679 kishi, davolanish — 172 kishi, o‘qish — 20 kishi va xizmat safari — 18 kishi qayd etilgan.