Valyuta kurslari 29/08/2025
$1 – 12482.38
UZS – 0,56%
€1 – 14540.72
UZS – 1,07%
₽1 – 155.23
UZS – 0,62%
Qidirish
O‘zbekiston 30/08/2025 25 sentyabrdan O‘zbekiston fuqarolari Iordaniyaga vizasiz bora oladi

25 sentyabrdan O‘zbekiston fuqarolari Iordaniyaga vizasiz bora oladi

Toshkent, O‘zbekiston (UzDaily.uz) — 25 sentyabrdan boshlab O‘zbekiston fuqarolari Iordaniyaga vizasiz tarzda, 30 kungacha muddatga safar qilishi mumkin bo‘ladi. Bu haqda Tashqi ishlar vazirligi matbuot kotibi Axror Burhonov maʼlum qildi.

Avvalroq, 26 avgust kuni Samarqandda O‘zbekiston Prezidenti Shavkat Mirziyoyev va Iordaniya qiroli Abdulla II ibn al-Husayn o‘rtasida muzokaralar o‘tkazilgan edi. Uchrashuv yakunida bir qator hujjatlar, jumladan, vizaviy talablarni bekor qilish bo‘yicha kelishuv imzolangan.

TIV maʼlumotiga ko‘ra, mazkur kelishuv imzolanganidan 30 kun o‘tib kuchga kiradi. Yangi tartibga ko‘ra, Iordaniya fuqarolari ham O‘zbekistonga vizasiz kelishi mumkin bo‘ladi.

Avvalroq o‘zbekistonliklar Iordaniya vizasini mamlakatga yetib borgach rasmiylashtirishlari mumkin edi. Endi esa qirollik O‘zbekiston fuqarolari vizasiz kirishi mumkin bo‘lgan 35-davlatdan biriga aylandi.

Eng so'nggi yangiliklardan xabardor bo'ling
Telegram kanalimizga obuna bo'ling