2030 yilga kelib o‘zbekistonliklar 50 ta davlatga vizasiz sayohat qilishi mumkin — “O‘zbekiston–2030” strategiyasi

Toshkent, O‘zbekiston (UzDaily.uz) — O‘zbekiston o‘z fuqarolarining xalqaro sayohat imkoniyatlarini kengaytirish va chegaradan o‘tish tartib-qoidalarini soddalashtirishni maqsad qilmoqda.

Bu maqsadlar jamoatchilik muhokamasi uchun Normativ-huquqiy hujjatlar loyihalari muhokamasi portali platformasida taqdim etilgan yangilangan “O‘zbekiston–2030” strategiyasida belgilab qo‘yilgan.

Hujjatga muvofiq, 2030 yilga kelib O‘zbekiston fuqarolari 50 ta davlatga vizasiz borish imkoniyatiga ega bo‘ladi. 2026 yilda bu ko‘rsatkich 37 ta davlatni tashkil etadi, 2027 yilda 42 taga, 2028 yilda 45 taga, 2029 yilda 48 taga yetadi va 2030 yilga kelib maqsadli 50 ta davlat darajasiga chiqadi.

Shu bilan birga, kirish tartibi soddalashtirilgan davlatlar ro‘yxatini kengaytirish rejalashtirilgan: 2026 yilda 45 ta davlatdan 2030 yilga kelib 60 ta davlatgacha. 2027 yilda soddalashtirilgan kirish 48 ta davlatda, 2028 yilda 52 ta, 2029 yilda 56 ta, 2030 yilga kelib esa 60 ta davlatda amal qiladi.

Mintaqaviy hamkorlikka alohida eʼtibor qaratilmoqda. Tashqi siyosiy aloqalarni strategik rivojlantirish doirasida O‘zbekiston Markaziy Osiyo davlatlari bilan fuqarolarning ID-kartalar asosida erkin chegaradan o‘tishini nazarda tutuvchi kamida uchta kelishuv tuzishni rejalashtirmoqda.

2026 yilda shunday ikki kelishuvga erishilgan bo‘lib, bu mintaqada harakat erkinligini yana-da kengaytirish uchun ishonchli zamin yaratadi.

Strategiya xalqaro sayohatlarni soddalashtirish, mintaqaviy aloqalarni mustahkamlash va O‘zbekiston fuqarolari uchun chegaralarni yana-da qulay va xavfsiz tarzda kesib o‘tish sharoitlarini yaratishga qaratilgan.