2026 yilning birinchi oyida 2,6 ming nafardan ortiq o‘zbekistonlik Malayziyaga tashrif buyurdi

Toshkent, O‘zbekiston (UzDaily.uz) — 2026 yil yanvar oyida turistik maqsadlarda Malayziyaga 2 686 nafar O‘zbekiston fuqarosi safar qilgan. Bu haqda Milliy statistika qo‘mitasi matbuot xizmati xabar qildi.

Idora maʼlumotlariga ko‘ra, ushbu ko‘rsatkich o‘tgan yilning shu davriga nisbatan 800 nafarga, yoki 42,4 foizga oshgan bo‘lib, bu o‘zbekistonliklarning ushbu mamlakatga sayohat qilishga bo‘lgan qiziqishi sezilarli darajada ortganini ko‘rsatadi.

Safarlarning asosiy qismini anʼanaviy ravishda turistik maqsadlardagi tashriflar tashkil etgan — 2 563 nafar.

Yana 104 nafar fuqaro qarindoshlarini yo‘qlash uchun Malayziyaga borgan, 14 nafar — taʼlim olish maqsadida, 5 nafar esa xizmat safari bilan yo‘l olgan.