2026 yil yanvar oyida qariyb 590 ming nafar o‘zbekistonlik turistik maqsadlarda xorijga safar qildi

Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2026 yil yanvar oyida turistik maqsadlarda xorijga 589 647 nafar O‘zbekiston fuqarosi chiqqan bo‘lib, bu o‘tgan yilning shu davriga nisbatan 38 200 nafarga yoki 6,9 foizga ko‘pdir.

Safarlar soni bo‘yicha yetakchi yo‘nalish Qirg‘iz Respublikasi bo‘lib, u yerga 232 174 nafar turist borgan. Keyingi o‘rinlarda Tojikiston 98 659 nafar va Qozog‘iston 88 012 nafar turist bilan qayd etilgan.

O‘zbek turistlari orasida ommalashgan boshqa xorijiy yo‘nalishlar sifatida Saudiya Arabistoni 62 655 nafar, Rossiya 32 291 nafar, Turkiya 17 288 nafar, BAA 16 030 nafar, Tailand 6 890 nafar, Xitoy 6 117 nafar va Misr 4 585 nafar turist bilan qayd etilgan.