2026 yil uchun qo‘shimcha dam olish kunlari belgilandi

Toshkent, O‘zbekiston (UzDaily.uz) — "2026 yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida"gi Prezident Farmoni qabul qilindi.

Farmonga ko‘ra, 2025 yilda barcha xodimlar uchun (ish haftasining turidan qatʼi nazar) 31 dekabr – chorshanba qo‘shimcha dam olish kuni etib belgilandi.

2026 yilda quyidagi qo‘shimcha dam olish kunlari belgilandi:

barcha xodimlar uchun (ish haftasining turidan qatʼi nazar):

2 yanvar – juma;

28-may – payshanba;

29-may – juma;

31-avgust – dushanba;

6 kunlik ish haftasida ishlaydigan xodimlar uchun:

3 yanvar – shanba;

30 may – shanba;

31-dekabr – payshanba;

5 kunlik ish haftasida ishlaydigan xodimlar uchun dam olish kuni quyidagicha ko‘chiriladi:

2026 yilda 12 dekabr – shanba kunidan 31 dekabr – payshanba kuniga.