Toshkent, O‘zbekiston (UzDaily.uz) — 2025 yilning dastlabki yetti oyi mobaynida O‘zbekistonga 6,3 million xorijiy turist keldi. Bu haqda mamlakat Milliy statistika qo‘mitasi maʼlum qildi.

O‘tgan yilning shu davriga nisbatan turistlar soni qariyb 2,1 million kishiga ko‘paydi, o‘sish surʼati esa 48,9%ni tashkil etdi.

Davlatlar kesimida quyidagicha taqsimlandi: Qirg‘iziston — 1 846 030 kishi, Qozog‘iston — 1 466 535 kishi, Tojikiston — 1 441 618 kishi, Rossiya — 536 849 kishi, Afg‘oniston — 267 485 kishi, Turkmaniston — 208 864 kishi, Xitoy — 103 158 kishi, Turkiya — 96 492 kishi, Hindiston — 38 008 kishi, Koreya Respublikasi — 25 057 kishi, boshqa mamlakatlar — 289 023 kishi.

Safar maqsadlari bo‘yicha tashriflar quyidagicha taqsimlangan: qarindoshlarni ziyorat qilish — 4 338 164 kishi, turistik sayohatlar — 949 933 kishi, xizmat safarlari — 710 303 kishi, tijorat safarlari — 255 136 kishi, davolanish — 54 882 kishi, o‘qish — 10 701 kishi.