2025 yilda O‘zbekiston 43,6 mingta gaz plitasi import qildi

Toshkent, O‘zbekiston (UzDaily.uz) — 2025 yilda O‘zbekistonga 14 ta xorijiy davlatdan jami 4,5 million AQSH dollari qiymatida 43,6 mingta gaz plitasi import qilindi. Bu haqda Milliy statistika qo‘mitasi xabar berdi.

Gaz plitalari bo‘yicha eng yirik yetkazib beruvchi davlat Xitoy bo‘lib, ushbu mamlakatdan O‘zbekistonga 20,4 ming dona mahsulot olib kirilgan.

Ikkinchi o‘rinni Belarus egalladi. Ushbu mamlakatdan 11,7 mingta gaz plitasi yetkazib berilgan. Keyingi o‘rinda Turkiya turibdi, u yerdan O‘zbekistonga 7,8 mingta ushbu turdagi mahsulot eksport qilingan.

Ispaniyadan 1 989 ta gaz plitasi import qilingan bo‘lsa, Italiyadan 680 dona mahsulot olib kirilgan.

Boshqa davlatlardan esa jami hisobda taxminan 1 mingta gaz plitasi import qilingan.