2025 yilda AQSHga sayohat qilgan o‘zbekistonliklar soni 8 ming nafardan oshdi

Toshkent, O‘zbekiston (UzDaily.uz) — 2025 yilning yanvar–iyul oylarida taxminan 8 ming nafar O‘zbekiston fuqarolari sayyohat maqsadida Amerika Qo‘shma Shtatlariga bordi. Bu haqda Milliy statistika qo‘mitasi maʼlum qildi.

O‘tgan yilning shu davriga nisbatan turistlar soni 996 kishiga ko‘payib, 14,3 foiz o‘sish qayd etildi.

Jami safarlarning 5 683 tasi sayohat uchun, 1 978 tasi qarindosh-urug‘larini ziyorat qilish uchun amalga oshirilgan. 179 kishi o‘qish maqsadida, 104 kishi xizmat safari uchun va 23 kishi tibbiy davolanish uchun AQSHga borgan.