2025-yilda 268 mingdan ziyod o‘zbekistonliklar Turkiyaga borgan

Toshkent, O‘zbekiston (UzDaily.uz) — Milliy statistika qo‘mitasi ma’lumotlariga ko‘ra, 2025-yilda jami 268 976 nafar O‘zbekiston fuqarolari turistik maqsadlarda Turkiyaga safar qilgan.

Bu ko‘rsatkich o‘tgan yilning mos davriga nisbatan 39,7 ming nafarga yoki 17,4 foizga oshgan.

Ularning safar maqsadlari bo‘yicha taqsimlanishi quyidagicha: sayohat – 201 838 nafar,qarindoshlarni yo‘qlash – 58 983 nafar, davolanish – 3 704 nafar, o‘qish – 2 496 nafar, xizmat yuzasidan – 1 955 nafar.