2024 yilda O‘zbekiston aholisining 93,3 foizi internetdan foydalangan

Toshkent, O‘zbekiston (UzDaily.uz) — O‘zbekistonda internetdan foydalanuvchi aholi ulushi barqaror o‘sishda davom etmoqda.

Milliy statistika xizmati tomonidan o‘tkazilgan tanlanma uy xo‘jaliklari so‘rovi natijasiga ko‘ra, 2024 yilda bu ko‘rsatkich 93,3% ga yetgan.

Bu deyarli butun katta yoshli aholi internet tarmog‘iga ega ekanini anglatadi. O‘tgan yillar bilan solishtirilganda, mamlakatda internet foydalanuvchilar sonidagi o‘sish juda sezdilarli:

2021 yil — 76,6%

2022 yil — 83,9%

2023 yil — 89%

2024 yil — 93,3%

Bu o‘sish raqamlashtirish, internet infratuzilmasini rivojlantirish va aholini raqamli xizmatlardan foydalanishga jalb etish borasida amalga oshirilayotgan islohotlarning samarasi sifatida qayd etilmoqda.