10 oyda 230 mingdan ziyod o‘zbekistonliklar Turkiyaga borgan

Toshkent, O‘zbekiston (UzDaily.uz) — Milliy statistika qo‘mitasi maʼlumotlariga ko‘ra, 2025 yil yanvar–oktyabr oylarida Turkiyaga turistik maqsadlarda jami 230 844 nafar O‘zbekiston fuqarosi safar qilgan. Bu 2024 yilning shu davriga nisbatan 32,3 ming nafarga, yoki 16,3 foizga ko‘pdir.

Ushbu sayohatlarning yarmidan ko‘pi, yaʼni 172 400 tasi turizm, 51 300 nafari qarindoshlarinikiga, 2300 nafari taʼlim, 3300 nafari davolanish va 1600 nafari biznes maqsadida bo‘lgan.

Turistlar soni o‘sishi O‘zbekiston va Turkiya o‘rtasidagi ikki tomonlama aloqalar mustahkamlanayotganini, shuningdek fuqarolarning dam olish, taʼlim va tibbiy xizmatlar maqsadida xorijga safar qilishga bo‘lgan qiziqishi ortib borayotganini ko‘rsatadi.