Toshkent, O‘zbekiston (UzDaily.uz) — Yangi marketpleys endilikda Yandex Go ilovasida mavjud. Xizmatning o‘ziga xos jihatlari orasida — “bir bosishda” yetkazib berishning yangi formati, bo‘lib to‘lash imkoniyati, shuningdek, Yandex Factory — kompaniyaning shaxsiy ishlab chiqarish yo‘nalishi mahsulotlari bor. Ayni paytda Market Toshkent shahri va qisman Toshkent viloyatida faoliyat yuritmoqda.

Market'dan buyurtma berish Yandex Go ilovasi yoki market.yandex.uz  sayti orqali amalga oshiriladi.

Market'da quyidagi toifalardagi mahsulotlarni xarid qilish mumkin: elektronika, maishiy texnika, uy va ta’mirlash buyumlari, kiyim-kechak va poyabzal, go‘zallik vositalari. Marketpleysda tavsiyaviy mahsulotlar lentasi mavjud bo‘lib, u foydalanuvchiga moslashtirilgan takliflarni taqdim etadi. Xizmat turli mahsulotlarni narxi va texnik xususiyatlari bo‘yicha solishtirish imkonini ham beradi.

Marketpleys doirasida Yandex Factory — kompaniyaning shaxsiy ishlab chiqarish yo‘nalishidagi mahsulotlar ham taqdim etildi. Yandex Factory turli toifalardagi mahsulotlarni — elektronika va maishiy texnikadan tortib, bolalar o‘yinchoqlarigacha — ishlab chiqaradi. Marketpleysda yettita shaxsiy brend mahsulotlari taqdim etilgan:

 • Lunnen — kompyuter texnikasi,

 • Commo — elektron aksessuarlar,

 • Tuvio — maishiy texnika,

 • Pragma — uy uchun mahsulotlar,

 • Junion — bolalar mahsulotlari,

 • Cubits — radioboshqaruvli o‘yinchoqlar,

 • Nocord — elektroasboblar.

Market orqali buyurtmani yetkazib berish MTP (mahsulotni tarqatish punktlari) yoki kuryer orqali amalga oshiriladi. Ayni paytda 60 ta MTP faoliyat yuritmoqda, yil oxirigacha ular soni bo‘ylab 250 taga yetkaziladi.

Marketpleysda, shuningdek, “bir bosishda” yetkazib berishning yangi formati joriy etildi. Bu holda buyurtma avval Lavka xizmatining eng yaqin darkstoriga jo‘natiladi, foydalanuvchiga esa buyurtma tayyorligi haqida xabar yuboriladi. Xaridor o‘ziga qulay vaqtda 15 daqiqadan boshlab buyurtmani olishi mumkin. “Bir bosishda” yetkazib berishga Lavka'dan oziq-ovqat va boshqa mahsulotlarni qo‘shish mumkin — ular Market buyurtmasi bilan birga yetkaziladi.

MTP va “bir bosishda” yetkazib berish barcha buyurtmalar uchun bepul, 1 million so‘mdan yuqori buyurtmalar esa kuryerlar tomonidan bepul yetkazib beriladi.

Buyurtmalarni ilova yoki saytda bank kartasi orqali, shuningdek, MTPda naqd pul yoki karta bilan to‘lash mumkin. Marketpleysda Yandex Split xizmati orqali bo‘lib to‘lash imkoniyati ham mavjud. Unga ko‘ra, xaridor mahsulot narxining bir qismini to‘laydi, qolgan summa esa bog‘langan kartadan belgilangan jadval asosida yechiladi. Hozirda 2, 4 va 6 oylik bo‘lib to‘lash variantlari mavjud.

Yangi foydalanuvchilar uchun POCHIN promokodi bilan Market'da birinchi buyurtmaga 50% chegirma taqdim etiladi. Maksimal chegirma — 80 000 so‘m. Chegirmadan 2025 yil 31 maygacha foydalanish mumkin.

Market ayni paytda Toshkent va qisman Toshkent viloyatida faoliyat yurityapti, kelgusida xizmatning geografiyasi bosqichma-bosqich kengaytiriladi.

Yandex Uzbekistan sun’iy intellekt texnologiyalari asosida mahsulot va xizmatlar yaratadi. Kompaniya quyidagi yo‘nalishlarda faoliyat yuritadi: onlayn taksi buyurtmasi, taom va mahsulot yetkazib berish, bulutli yechimlar, geoxizmatlar, ko‘ngilochar platformalar va ta’lim loyihalari.