Тошкентда “Quiz on Korea” викторинаси бўлиб ўтади

Тошкент, Ўзбекистон (UzDaily.uz) -- Ўзбекистондаги Корея Республикаси Элчихонаси 11 июнь куни корейс тили билимдонлари ўртасида учинчи “Quiz on Korea” викторинасини ўтказади.

Маълумотларга кўра, мазкур викторинасида Ўзбекистондаги турли олий ўқув юртларининг 100 нафардан ортиқ талабалари иштирок этишади.

Мазкур викторина ғолиби 2017 йилнинг 15 сентябрь куни Сеул шаҳрида ўтказиладиган “Quiz on Korea 2017” викторинасининг финал босқичида иштирок этади. Финал босқичида бутун дунёдан келган ғолиблар Корея Республикаси тарихи ва маданияти тўғрисида қанчалик чуқур билимга эга эканликларини намойиш этишади.